سرینگر:جموں و کشمیر اینٹی کرپشن بیورو نے بدعنوانی کے خلاف اپنی مہم کو جاری رکھتے ہوئے شال ٹینگ ، سرینگر میں ایک اہم کارروائی کے دوران تحصیل دفتر کے ایک ملازم کو۔۔ ایک بار پھر سرکاری دفاتر میں جاری بدعنوانی کو بے نقاب کرتا ہے، جہاں اینٹی کرپشن بیورو نے تحصیل دفتر کے ایک ملازم کو رشوت لیتے ہوئے رنگے ہاتھوں گرفتار کر لیا شال ٹینگ تحصیل دفتر رشوت معاملہ
شال ٹینگ تحصیل دفتر رشوت معاملہ
سرکاری ذرائع کے مطابق گرفتار ہونے والا شخص تحصیل دفتر شال ٹینگ میں یومیہ اجرت پر تعینات ملازم تھا، جس نے ایک شہری سے سرکاری کام کے عوض دو ہزار روپے رشوت طلب کی تھی۔ متاثرہ شہری کی شکایت پر اینٹی کرپشن بیورو نے معاملے کی تصدیق کے بعد ایک منظم جال بچھایا، جس کے نتیجے میں ملزم کو رشوت لیتے ہوئے موقع پر ہی دھر لیا گیا۔
اے سی بی کے ایک ترجمان نے بتایا کہ گرفتار شخص کی شناخت محمد لائق ناتھ کے طور پر ہوئی ہے، جو برتھانہ قمر واری، سرینگر کا رہائشی بتایا جاتا ہے۔ کارروائی تحصیل مجسٹریٹ (SDM) آفس شال ٹینگ کے احاطے میں انجام دی گئی، جہاں ملزم رشوت کی رقم قبول کرتے ہوئے پکڑا گیا۔
شال ٹینگ تحصیل دفتر رشوت معاملہ
ترجمان کے مطابق اس سلسلے میں اینٹی کرپشن بیورو پولیس اسٹیشن سرینگر میں ایف آئی آر نمبر 01/2026 درج کر لی گئی ہے اور ملزم کے خلاف انسداد بدعنوانی قانون (Prevention of Corruption Act) کے تحت مقدمہ قائم کر کے مزید تفتیش شروع کر دی گئی ہے۔
حکام نے واضح کیا کہ بدعنوانی کے خلاف زیرو ٹالرینس پالیسی پر عمل کرتے ہوئے ایسے عناصر کے خلاف سخت قانونی کارروائی عمل میں لائی جائے گی اور عوام سے اپیل کی گئی ہے کہ وہ رشوت خوری یا کسی بھی قسم کی کرپشن کی صورت میں بلا خوف متعلقہ اداروں کو مطلع کریں۔
Leave a Reply